နေခြည် ရွေးချယ်မယ့်အချစ်မျိုးဆိုရင် အဓိကက နေခြည့်ကို သစ္စာရှိပြီး ဂရုစိုက်ရင် တော်ပါပြီဆိုတဲ့ နေခြည်ရွှန်းလဲ့

ပုဂံမြို့သူဇာတ်လမ်းတွဲမှာ ဂွမ်းနုအဖြစ်နဲ့ မျက်လုံးမှာအလွမ်းနှုတ်ခမ်းမှာမာနဇာတ်လမ်းတွဲမှာ နှင်းနှ အဖြစ် ပရိသတ်အားပေးမှုအခိုင်အမာရရှိခဲ့တဲ့ သရုပ်ဆောင်နေခြည်ရွှန်းလဲ့နဲ့တွေ့ဆုံမေးမြန်းဖြစ်တာ တွေကို ဒီတစ်ပတ် Sunday Jouranl Cover အဖြစ် ပရိသတ်တွေအတွက် တင်ဆက်ပေး လိုက်ပါတယ်။ >>> Cover ရိုက်ကူးရတဲ့ခံစားချက်ကို ပြောပြပေးပါဦး။ အဝတ်အစားတွေက ချစ်စရာလေးဆိုတော့ ရိုက်ကူးရတာမုဒ်ပါတယ်။ များသောအားဖြင့် မြန်မာဝတ်စုံ ဝတ်တာများပါတယ်။ ကိုယ်ကိုယ်တိုင် နေရာဒေသအလိုက် ရွေးချယ်ဝတ်ဆင်ဖြစ်တယ်။ ဒီနေ့ကာဗာမှာ မိတ်ကပ်သားသား၊ ဒီဇိုင်နာက Shorti Hearty နဲ့ ဓာတ်ပုံကိုသိန်းဇော်ဝင်း ရိုက်ကူးပေးတာပါ။ ရှုတင်မှာ ကိုယ့်ရဲ့ကာရိုက်တာက မြန်မာဆန်တဲ့ကာရိုက်တာများတဲ့အတွက် မြန်မာဆန်ဆန်တွေ ဝတ်ဖြစ်တယ်။ အခု Roll Number ဆိုတဲ့ဇာတ်ကားရိုက်ကူးထားတယ်။ အဲဒီဇာတ်ကားထဲမှာ ဂျင်းဘောင်းဘီနဲ့ရှပ်အင်္ကျီပေါ့။ ဒီနေ့တော့ အတိုလေးတွေနဲ့ ချစ်စရာကောင်းတဲ့ပုံစံမျိုးရိုက်ကူးဖြစ်တယ်။