- Sunday Myanmar
- interviews
- Hits: 380
ဘယ်ဇာတ်ကားမဆို စိတ်နှစ်ပြီးသရုပ်ဆောင်တယ် ဘာမျှော်လင့်ချက်မှမထားဘူးဆိုတဲ့ ဝတ်မှုံရွှေရည်>>>
User Rating: 0 / 5
>>> နှစ်သစ်ကူးအစီအစဉ်တွေနဲ့ပတ်သက်ပြီး
ခရီးသွားဖြစ်မလားမသိဘူး။ ရေအရမ်းကြိုက်တော့ နှစ်သစ်ကူးမှာ ကမ်းခြေကိုသွားဖြစ်တာများတယ်။ အရမ်းပျော်တယ်။ ရေကိုမြင်လိုက်တာနဲ့ စိတ်ဖိစီးမှုမရှိတော့ဘူး။ နှစ်သစ်မှာ ပရိသတ်တွေအားလုံး ပျော်ရွှင်ကြပါစေ။ စိတ်ချမ်းသာကိုယ်ကျန်းမာကြပါစေ။ အားလုံးပဲလိုအင်ဆန္ဒပြည့်စုံကြပါစေ။
>>> ပန်းတစ်ပွင့်သာဖြစ်ခဲ့ရင်ရုပ်ရှင်ဇာတ်ကားနဲ့ပတ်သက်ပြီး
ဇာတ်ကားကို မကြည့်ရသေးဘူး။ ရိုက်ကူးခဲ့တာ လွန်ခဲ့တဲ့နှစ်နှစ်ကျော်သုံးနှစ်လောက်ကဆိုတော့ စိတ် ပူတယ်။ ကြည့်ပြီးသွားတဲ့ ဒါရိုက်တာနဲ့တချို့သူတွေကတော့ ကောင်းတယ်လို့ပြောကြတယ်။ အဲဒီ ဇာတ်ကားနဲ့ပတ်သက်ပြီး ရင်ခုန်နေပါတယ်။ ဇာတ်ကားက ကြိုတင်ပြင်ဆင်မှုကောင်းခဲ့တယ်။ အချစ် ဇာတ်ကားကို ပရိသတ်တွေကြိုက်မယ်လို့ထင်ပါတယ်။ ပါဝင်ထားတဲ့သရုပ်ဆောင်တွေအကုန်လုံး လည်း စိတ်နှစ်ပြီးတော့ သရုပ်ဆောင်ထားကြပါတယ်။ အချစ်ဇာတ်ကားကြိုက်တဲ့သူတွေ ကြိုက်ကြ မှာပါ။ ၂၀၂၀ပြည့်နှစ်မှာလည်း ကမ်းလှမ်းထားတဲ့ဇာတ်ကားတွေအများကြီးပါ။ ရိုက်ကူးခါနီးကျရင် သေချာပြန်ပြောပါမယ်။
>>> ဇာတ်လမ်းတွဲနဲ့ပတ်သက်ပြီး
ဇာတ်လမ်းတွဲကတော့ အရမ်းကိုတာဝန်ကြီးပါတယ်။ စုဖုရားလတ်နေရာမှာသရုပ်ဆောင်ရမှာဆိုတော့ သေချာပြင်ဆင်မှရမှာပါ။ ဇာတ်ကောင်နဲ့ကစ်နဲ့မလိုက်လည်း အကောင်းဆုံးကြိုးစားသွားမယ်။ ကစ်က စိန်ခေါ်မှုတွေကို ပိုပြီးကြိုက်တယ်။ ကိုယ်နဲ့မလိုက်တဲ့ဇာတ်ရုပ်မှာ သရုပ်ဆောင်ရတာပိုပြီးပျော်ပါ တယ်။ ပိုပြီးလည်းရင်ခုန်ပါတယ်။ အခုတော့ ပြင်ဆင်နေပါတယ်။ အဆင်သင့်တော့မဖြစ်သေးပါဘူး။
>>> လိပ်ပြာစံအိမ်ဇာတ်ကားနဲ့အကယ်ဒမီရမယ်လို့မှန်းထားကြတဲ့အပေါ်မှာတော့
ရစေချင်တဲ့ပရိသတ်တွေကို ကျေးဇူးအများကြီးတင်ပါတယ်။ Asia Creative Award မှာ ဆန်ခါတင် စာရင်းပါဝင်ခဲ့တဲ့အတွက် အရမ်းကိုဝမ်းသာပါတယ်။ ကိုယ့်မြန်မာနိုင်ငံအတွက်ရော ဇာတ်ကားအတွက် ပါ အရမ်းဂုဏ်ယူမိပါတယ်။ အကယ်ဒမီကတော့ ရတာမရတာတစ်ကဏ္ဍပေါ့။ ကစ်ကတော့ ဒီနှစ် လည်း ဘာမှမမျှော်လင့်ထားပါဘူး(ရယ်လျက်)။ အစကတည်းက အကယ်ဒမီကိုရည်ရွယ်ပြီး ရိုက်ကူး ခဲ့တာမဟုတ်ဘူး။ ကိုယ်လုပ်တဲ့အလုပ်ကို အကောင်းဆုံးဖြစ်အောင်လုပ်တယ်။ ကိုယ့်ရဲ့ကာရိုက်တာ ကို ပီပြင်အောင် အကောင်းဆုံးသရုပ်ဆောင်ခဲ့တယ်။ ပရိသတ်တွေကျေနပ်ရင်ပဲ တော်တော်ကျေနပ် စရာကောင်းနေပါပြီ။ ပရိသတ်တွေအားပေးကြတဲ့အတွက်လည်း အရမ်းပျော်ပါတယ်။ ကစ်ကစ်တင် မဟုတ်ပါဘူး။ လိပ်ပြာစံအိမ်ဇာတ်ကားကိုရိုက်ကူးခဲ့တဲ့ ဒါရိုက်တာရော သရုပ်ဆောင်တွေနဲ့ ပြည့်ပြည့် လေးကိုပါအားပေးကြတော့ သူတို့အတွက်လည်း ပီတိဖြစ်မိပါတယ်။
