Previous Next

User Rating: 1 / 5

နိုဝင်ဘာ ၆ရက်နေ့က သမာဓိရွှေဆိုင်ရဲ့ သုံးဆိုင်မြောက်ဆိုင်ဖွင့်ပွဲကို ရန်ကုန်မြို့ မဟာဗန္ဓုလလမ်းနှင့် ရွှေဘုံသာလမ်းထောင့်ရှိ အမှတ်(၅၀၂)၊ ပန်းဘဲတန်းမြို့နယ်မှာ ကျင်းပပြုလုပ်ခဲ့ပါတယ်။ အဆိုပါဆိုင် ဖွင့်ပွဲမှာ တက်ရောက်ခဲ့တဲ့ခြူးလေးနဲ့တွေ့ဆုံမေးမြန်းခဲ့တာတွေကို Sunday Journal ပရိသတ်တွေ အတွက် ဖော်ပြပေးလိုက်ပါတယ်။

>>> သမာဓိရွှေဆိုင်သစ်ဖွင့်ပွဲတက်ရောက်ဖြစ်တာနဲ့ပတ်သက်ပြီး
သမာဓိရွှေဆိုင်က ခြူးလေးတို့နဲ့မစိမ်းတဲ့ဆိုင်ပါ။ အမြဲတမ်းကြားဖူးနေတဲ့ဆိုင်တစ်ဆိုင်ပါ။ အခု ဆိုင်ခွဲ အသစ်တွေဖွင့်လှစ်နိုင်ပြီ။ နောက်ထပ် ဆိုင်ခွဲတွေအများကြီးဖွင့်လှစ်နိုင်ပြီးတော့ ရေရှည်တည်တံ့ အောင်မြင်နိုင်ပါစေလို့ ခြူးလေးဆုတောင်းပေးပါတယ်။

Read more ...

Previous Next

User Rating: 0 / 5

အောက်တိုဘာလ ၂၂ရက်နေ့က သုံးယောက်ပေါင်းလောင်းကျော်ရုပ်ရှင်ဇာတ်ကား အထူးပြသပွဲကို သမ္မတရုပ်ရှင်ရုံမှာ ကျင်းပခဲ့ပါတယ်။ အဆိုပါဇာတ်ကားမှာ ပါဝင်သရုပ်ဆောင်ထားတဲ့ စံရတီမိုးမြင့်နဲ့ တွေ့ဆုံမေးမြန်းခဲ့တာတွေကို Sunday Journal ပရိသတ်တွေအတွက် ဖော်ပြပေးလိုက်ပါတယ်။
>>> သုံးယောက်ပေါင်းလောင်းကျော်ဇာတ်ကားနဲ့ပတ်သက်ပြီး
ဒီဇာတ်ကားရိုက်ကူးခဲ့တာလေးနှစ်နီးပါးရှိပါပြီ။ ဟာသဇာတ်ကားပါ။ ကြားထဲမှာ မင်းသာက ပြဿနာ တက်တော့ သဲသဲတို့နားလိုက်ရတယ်(ရယ်လျက်)။ လွန်ခဲ့တဲ့လေးနှစ်တုန်းကဆိုတော့ ဖက်ရှင်ပိုင်းနဲ့ ပတ်သက်ပြီး စိတ်ပူမိတယ်။ ကိုယ်က မင်းသမီးဖြစ်ခါစဆိုတော့ မျက်ရည်ကျရတဲ့အခန်းတွေမှာ မျက် စဉ်းကို အလွယ်တကူသုံးလိုက်တာမျိုးဆိုရင် အမေမွှေးကသင်ပေးတယ်။ ကိုယ်တစ်ယောက်တည်းမှ မဟုတ်ပါဘူး။ တော်တော်များများကို သင်ပေးပါတယ်။ ဒရာမာလုပ်ရတာ လွယ်တယ်။ ဇာတ်လမ်းအ စအဆုံး ဝမ်းနည်းအောင်လုပ်ရတာအဆင်ပြေတယ်။

Read more ...

Previous Next

User Rating: 0 / 5

အောက်တိုဘာလ ၂၂ရက်နေ့က သုံးယောက်ပေါင်းလောင်းကျော်ရုပ်ရှင်ဇာတ်ကား အထူးပြသပွဲကို သမ္မတရုပ်ရှင်ရုံမှာ ကျင်းပခဲ့ပါတယ်။ အဆိုပါပွဲကိုတက်ရောက်လာတဲ့ ထားထက်ထက်နဲ့တွေ့ဆုံမေး မြန်းခဲ့တာတွေကို Sunday Journal ပရိသတ်တွေအတွက် ဖော်ပြပေးလိုက်ပါတယ်။
>>> သုံးယောက်ပေါင်းလောင်းကျော်ဇာတ်ကားနဲ့ပတ်သက်ပြီး
ပေါ့ပေါ့ပါးပါးနဲ့စိတ်လွတ်လပ်ပျော်ရွှင်စေမယ့်ဇာတ်ကားတစ်ကားပါ။ Plot တွေက ရယ်ရတယ်။ ထား ထက်က ဇာတ်ကားကြည့်ရင် တစ်ခါတည်းပညာပါယူတယ်။ ဘယ်လို Plot တွေပြောသလဲဆိုတာ မှတ်ထားတယ်။ တချို့ဇာတ်ကားတွေကျတော့ ဟဲဗီးမဟုတ်ဘူး။ တချို့ဇာတ်ကားတွေက Plot တွေ ကောင်းသလို သရုပ်ဆောင်တွေလည်းကောင်းကြတယ်။ ဟာသဇာတ်ကားကြည့်ရင်တော့ ခဏတာ ပျော်ရွှင်ရပါတယ်။

Read more ...

Previous Next

User Rating: 0 / 5

အောက်တိုဘာလ ၁၇ရက်နေ့က အကြင်နာမြစ်ဖျားဇာတ်လမ်းတွဲအထူးပွဲကို Junction City မှာ ပြသ ခဲ့ပါတယ်။ အဆိုပါဇာတ်လမ်းတွဲကို Media 7 ထုတ်လုပ်ရေးက စီစဉ်ပြီး အောက်တိုဘာလ ၂၃ရက်က နေစတင်ပြီး MRTV-4 ရုပ်သံမှာ အပတ်စဉ် တနင်္လာနေ့ကနေ သောကြာနေ့အထိပြသသွား မှာဖြစ်ပါတယ်။ အကြင်နာမြစ်ဖျားဇာတ်လမ်းတွဲမှာ ပါဝင်သရုပ်ဆောင်ထားတဲ့ ထက်ထက်ထွန်းနဲ့တွေ့ ဆုံမေးမြန်းခဲ့တာတွေကို Sunday Journal ပရိသတ်တွေအတွက်ဖော်ပြပေးလိုက်ပါတယ်။
>>> အကြင်နာမြစ်ဖျားဇာတ်လမ်းတွဲနဲ့ပတ်သက်ပြီး
ဒီဇာတ်လမ်းတွဲထဲမှာ ချယ်ရီဆိုတဲ့ ရွှေဆိုင်ပိုင်ရှင်သူဌေးသမီးကာရိုက်တာနေရာမှာ ပါဝင်သရုပ်ဆောင် ထားပါတယ်။ တစ်သက်လုံး တစ်ယောက်ဆိုတစ်ယောက်ပဲ ချစ်တတ်တဲ့ ရူးသွပ်တဲ့ကောင်မလေးတစ် ယောက်ပေါ့။ ရက်တွေအရမ်းညှိခဲ့ရပြီးတော့ ခုနစ်လ၊ရှစ်လလောက်ရိုက်ကူးခဲ့ရတယ်။ ဆံပင်တုနဲ့ရိုက် ကူးခဲ့ရတာဆိုတော့ တစ်နှစ်လုံး ဆံပင်တုကြီးကို ထိန်းသိမ်းခဲ့ရတယ်။ ဇာတ်ကားတစ်ကားလုံးမှာ ပါတိတ်တွေပဲဝတ်ထားတာဆိုတော့ ခန္ဓာကိုယ်အချိုးအစားက ပိန်လို့လည်းမရဘူး ဝလို့လည်းမရဘူး။ Fitting ဖြစ်အောင်ချုပ်ထားတာပါ။

Read more ...

Previous Next

User Rating: 5 / 5

>>> အောက်တိုဘာလ ၆ရက်နေ့က Aroma ရဲ့ 2020 Wedding Show ပွဲကို ပုသိမ်မြို့ Gandamar Grand Ballroom မှာ အနုပညာရှင်ပေါင်းများစွာနဲ့ကျင်းပခဲ့ပါတယ်။ အဆိုပါပွဲမှာ ရှိုးလျှောက်ခဲ့တဲ့ အလှမယ်ဟန်တီနဲ့ တွေ့ဆုံမေးမြန်းခဲ့တာတွေကို Sunday Journal ပရိသတ်တွေ အတွက် ဖော်ပြပေးလိုက်ပါတယ်။
>>> Aroma 2020 Wedding Show မှာ ပါဝင်ဖြစ်တဲ့အကြောင်းနဲ့ပတ်သက်ပြီး
ပုသိမ်ကိုဟန်တီမရောက်ဖြစ်တာကြာနေသလို ရှိုးပွဲလည်းတစ်ခါမှမလျှောက်ဖူးတဲ့အတွက် အခုပုသိမ် ရှိုးပွဲကတော့ ဟန်တီဘဝအတွက် အမှတ်တရလေးတစ်ခုဖြစ်သွားတယ်။ Aroma ရဲ့ လှပတဲ့ဝတ်စုံနဲ့ ဂါဝန်တွေအများကြီးကို ဝတ်ဆင်ပြီး ရှိုးလျှောက်ခဲ့ရတဲ့အတွက်လည်း အရမ်းဂုဏ်ယူပါတယ်။ ရှိုးပွဲမှာ ဟန်တီက နှစ်ခါလျှောက်ခဲ့ရပါတယ်။ ပထမဝတ်စုံက ပန်းဆီရောင်ထိုင်မသိမ်းနဲ့ပါ။ ဒုတိယဝတ်စုံက တော့ ငွေရောင်ဂါဝန်ပါ။ တစ်ခါတလေ ဟန်တီတို့ မြန်မာဝတ်စုံတွေနဲ့ဂါဝန်တွေဝတ်ရတာမှာ တစ်ခုနဲ့ တစ်ခုက ခံစားရတာမတူပါဘူး။ မြန်မာထိုင်မသိမ်းဝတ်စုံဝတ်ရတဲ့အခါမှာ နည်းနည်းလေးရင့်ကျက်မှုရှိ တယ်လို့ခံစားရတယ်။ ဂါဝန်ကျတော့ နည်းနည်းပိုပြီးလွတ်လပ်သွားတယ်။ ဝေ့၀ဲပြီးလျှောက်လို့ရ တယ်။ ပုသိမ်က ပရိသတ်တွေက ဟန်တီ့ဆီကို လက်ဆောင်တွေလာပြီးပို့ပေးကြတယ်။ အရမ်းပျော် ခဲ့ပြီးတော့ အမှတ်တရတွေအများကြီးဖြစ်ခဲ့ပါတယ်။ တွေ့ဆုံရတာလည်း အရမ်းဝမ်းသာပါတယ်။
>>> လတ်တလောလှုပ်ရှားမှုတွေနဲ့ပတ်သက်ပြီး
အခုအချိန်မှာ ဟန်တီက Unicode ရဲ့ Ambassador တစ်ယောက်အနေနဲ့ တာဝန်ယူဆောင်ရွက် ထားပါတယ်။ Unicode ကို မသိသေးတဲ့သူတွေ ပိုပြီးသိသွားအောင် Influencer အနေနဲ့လည်း တာ ဝန်ယူထားတာဖြစ်တဲ့အတွက် Activity အပိုင်းမှာရော မီဒီယာတွေကနေတစ်ဆင့်ပါ ပြောင်းလဲသွားဖို့ အများကြီးလုပ်ဆောင်ရမှာပါ။ အားလုံးကို Unicode သေသေချာချာပြောင်းလဲစေချင်တဲ့စိတ်တစ်ခုပဲ ဟန်တီ့မှာရှိတယ်။ ဒါက ဟန်တီ့တို့ရဲ့ မြန်မာကို ကမ္ဘာကသိအောင်နဲ့ ကမ္ဘာနဲ့ရင်ပေါင်တန်းပြီးတော့ အကုန်လုံး Unicode စနစ်တစ်ခုနဲ့ ဆက်သွယ်လို့လွယ်ကူသွားအောင် ရည်ရွယ်ချက်တစ်ခုတည်းနဲ့ ဟန်တီ ဆက်ပြီး Influencer လုပ်သွားမယ်။ မပြောင်းရသေးတဲ့လူတွေလည်း ပြောင်းပေးကြပါ။ ဟို တလောက အင်တာဗျူးတစ်ခုမှာဖြေခဲ့သလိုပဲ ယူနီကုဒ်ဆိုတာ အချစ်လိုပဲ ရှုပ်ထွေးတယ်။ ခက်ခဲ တယ်။ နားလည်ရခက်တယ်ပေါ့(ရယ်လျက်)။ အစတုန်းကတော့ လူတိုင်းအဲဒီလိုထင်ကြတယ်။ ဟန် တီကိုယ်တိုင် ပထမဦးဆုံးစပြီးသုံးတဲ့အချိန်တုန်းကလည်း အရမ်းရှုပ်ထွေးတယ်။ စာဆိုလည်းမရိုက် တတ်ဘူး။ အခုအချိန်မှာတော့ စာဖတ်တဲ့စနစ်ကို ယူနီကုဒ်ပြောင်းတယ်။ ကီးဘုတ်တွေကအစ ယူနီ ကုဒ်ပြောင်းလဲလိုက်တယ်။ သတင်းတွေနဲ့ Application တွေကအစ ယူနီကုဒ်တွေနဲ့ရေးလာကြပြီဆို တော့ အကုန်လုံးဖတ်ရလွယ်ကူသွားတယ်။ စာရိုက်ရတာလည်း တဖြည်းဖြည်းနဲ့ကျင့်သားရလာပြီ။

>>> နေပြည်တော်မှာကျင်းပခဲ့တဲ့တစ်နိုင်ငံလုံးယူနီကုဒ်ပြောင်းလဲရေးပွဲမှာ အမေစုနဲ့တွေ့ဆုံခဲ့ရတဲ့ ခံစားချက်ကိုတော့
တစ်ခါမှ အမေစုကို အနီးကပ်ကြီးမတွေ့ဆုံခဲ့ဖူးဘူး။ ကိုယ့်ရဲ့မျက်စိရှေ့တည့်တည့်မှာ လက်ဆွဲနှုတ် ဆက်ခွင့်ရခဲ့တယ်။ အချင်းချင်းမိတ်ဆက်ခွင့်ရတဲ့အချိန်မှာ ဟန်တီက Miss Wold Myanmar 2018 ဟန်တီပါလို့ ပြောလိုက်တဲ့အခါမှာ အမေစုရဲ့ Surprise Reaction လေးတစ်ခုကို ရလိုက်တယ်။ တွေ့ရတာဝမ်းသာပါတယ်လို့ပြောတဲ့အတွက်လည်း အရမ်းကိုဂုဏ်ယူပါတယ်။ အမေစု ဆိုရင် တီဗွီ တွေမှာမြင်ရတယ်။ သတင်းစာတွေမှာမြင်ရတယ်။ ပြီးတော့ သူ့ရဲ့လှုပ်ရှားမှုတွေကို အဝေးကနေပဲ မြင်ရတာများတယ်။ သူ့ရဲ့ဘေးနားမှာ လုံခြုံရေးတွေလည်း အရမ်းတင်းကျပ်တယ်။ ဟန်တီတို့ကိုယ် တိုင်လည်း အများကြီးဂရုစိုက်ရတာတွေရှိတယ်။ တွေ့ဆုံခွင့်ရခဲ့တဲ့အတွက် အရမ်းကိုပျော်မိပါတယ်။ ဆက်ပြီး နိုင်ငံအတွက်ရော အမေစုအတွက်ပါ ဟန်တီတို့ ဒီထက်ပိုပြီးကြိုးစားဖို့ အင်အားတွေအများ ကြီးရလိုက်တယ်လို့ ထင်ပါတယ်။